Lunis manzanu a pustis de azumai noe meses de presonia Titti Pinna est torradu a domo! Male estidu, totu brutu e cun una cadena in su tzrugu s'est presentadu a una fàbrica in sartos de Sèdilo. Sunt arrivados luego sos carabineris, Pinna est istadu assistidu e traspurtadu a s'ispidale S.Francesco de Nùgoro. Est ancora ricoveradu pro atzertamentos ma istat bene.
Sos carabineris ant individuadu sa presone intro de una domo de fenu e ant arrestadu su proprietàriu,unu pastore sedilesu, ma sunt galu chirchende sos complices.
Festa manna in Bonorva mescamente in sa familia Pinna chi paret torrada a nàschere!
E issaras bene torradu tra nois Titti e AUGURIOS meda pro como e pro semper!
Nessun commento:
Posta un commento